CHÁMANOS: 881 965 692   ou   ENVÍANOS UN EMAIL: ong@ecosdosur.org

INFORMACIÓN XORNADAS 2017

PRESENTACIÓN

Internet é a nova area na que se dirimen os problemas sociais, proxéctanse cuestións á axenda mediática e política, mobilízase a opinión pública. É tamén, admitámolo, o campo hiperabonado para a intolerancia, o acoso, o racismo, o odio e o fanatismo. Estamos a asistir ao nacemento de novos delitos e á apertura de novas fendas na cohesión social. A retroalimentación entre odio na rúa – odio na internet/discurso do odio – delitos de odio está de perigosa actualidade, en tendencia ascendente. As actitudes racistas, machistas e intolerantes atopan o seu caldo de cultivo na contorna online: anonimato, distancia e viralidade alimentan unha paisaxe dixital que ataca a convivencia integradora e o respecto á diversidade.

    • Por que a intolerancia está sobre representada na internet?
    • Debe ter límites a liberdade de expresión?
    • Cal é o rol dos bulos e as fake news nos posicionamentos da opinión pública?
    • Como se está utilizando o innegable poder mobilizador do odio para atacar a convivencia?
    • Como podemos frear o seu impacto, para protexernos a nós e á sociedade?
    • Que estratexias innovadoras están a xurdir dende o ciberactivismo?

Nas XV Xornadas de Sensibilización sobre a Interculturalidade do Concello de Arteixo exploraremos as causas e consecuencias do clima de posverdade, e as oportunidades e retos que supón o proceso de construción dixital das opinións.

PERSOAS DESTINATARIAS

A Xornada técnica está dirixida a persoas traballadoras do ámbito social e da comunicación, técnicas de servizos sociais en concellos e entidades sociais, docentes, educadoras, estudantes e todas aquelas interesadas nos fenómenos emerxentes do discurso do odio, os delitos de odio e a intolerancia online.

DATA E LUGAR DE CELEBRACIÓN

O xoves 26 de outubro, terá lugar a Xornada técnica para o público inscrito, no Centro Sociocultural de Meicende (Travesía de Meicende 132. 15140 Arteixo – A Coruña).

venres 27 de outubro, terán lugar as sesións didácticas para o alumnado dos IES Manuel Murguía e Pastoriza.

INSCRICIÓN

  • A inscrición poderase facer a través da web ou vía e-mail:

WEB (pinchando aquí): cubrir o formulario de inscrición da web e, nos casos dos/as estudantes, persoas en paro ou pensionistas/xubiladas, adxuntar a tarxeta de estudante escaneada, a tarxeta de demandante de emprego ou o xustificante de pensión/xubilación, segundo corresponda.

E-MAIL (comunicacion@ecosdosur.org): enviar todos os datos do formulario de inscrición no e-mail e, nos casos dos/as estudantes, persoas en paro ou pensionistas/xubiladas, adxuntar a tarxeta de estudante escaneada, a tarxeta de demandante de emprego ou o xustificante de pensión/xubilación, segundo corresponda.

  • Nº de conta para facer o ingreso da inscrición:

“la Caixa” – ES76 2100 2725 2802 0003 4085

  • No concepto do ingreso especificar “Xornada” e o nome e apelidos da persoa inscrita. A inscrición non estará debidamente formalizada ata que non se faga dito ingreso.
  • No caso de superarse o aforo da Xornada técnica e realizarse o ingreso, comunicaráselle ao/á interesado/a e farase a devolución inmediata do mesmo.
  • Prezo inscrición: 10,00 eur. [6,00 eur. para estudantes, persoas en paro ou pensionistas/xubiladas que o acrediten]. Inclúe xantar intercultural.
  • Capacidade limitada de 100 PRAZAS [imprescindible inscrición].
  • Data límite de inscrición: Luns 23 de outubro de 2017.

 


Fotbalove Dresy futbalove dresy na predaj billige fotballdrakter maglie calcio online maillot de foot personnalisé billige fodboldtrøjer replica uhren kaufen fussball trikots kaufen koszulki nba sklep køb billige nba trøjer